నీరు కరువైపోతే బ్రతుకు బరువౌతుంది
* ఎండ వేడికి మండి నీళ్ళ చెరువెండింది
గుటక నీరులేక గుండె చెరువయ్యింది
* బోరుమని ఏడ్చిన బోరులో నీరేది
మారమని చెప్పిన మనిషిలో మార్పేది
* పంట తడి లేకుండ ఎండి పోతున్నది
కంటతడి వద్దన్న ఆగనంటున్నది
* ఊట బావులలోన నీటి మాటే లేదు
మూగ ప్రాణుల చూడ నోటి మాటేరాదు
* వాన నీరుపారి సంద్రాన చేరితే
శోక సంద్రముకాక మిగిలేది ఏముంది
* మంచినీటిలోన మంచెపుడో పోయింది
నీరుంటే చాలనే రోజు నేడొచ్చింది
* స్నానమాడెటపుడు జ్ణానమెరిగుండు
నీరు పన్నీరయ్యే రోజు పొంచుండు
* నీటి వాడుకపైన అదుపు సాధించు
పొదుపుగా వాడుకొని నువ్వు జీవించు.
No comments:
Post a Comment